گرمیوں کی سوغات لسی۔۔۔ جانئے لسّی کے استعمال میں چھپے صحت کے ڈھیروں فوائد

پاکستان ٹپس ! پاکستان میں رہنے والے لوگ چاہے وہ لاہور میں مقیم ہوں یا کراچی میں، سال میں ایک بار گرمی کا مزہ ضرور چکھتے ہیںاور یہ عرصہ کتنا طویل ہو، اس بارے میں کچھ نہیں کہا جاسکتا۔ملک میں موسم گرما اینٹری دے چکا ہے۔محکمہ موسمیات کی جانب سے گرمی میں مزید اضافے کا امکان ظاہر کیاجارہاہے۔ ایسی صورتمیں انسان کا دل کرتا ہے کہ وہ یاتوسوئمنگ پول میں چھلانگ لگادے یا پھرایسے مشروبات استعمال کرے جن کے ذریعے گرمی

کا اثر دور کیا جاسکے۔قومی موقر نامے جنگ کے مطابق گرمی کی شدت جسم میں نمکیات کی کمی،چڑچڑاپن ،تھکاوٹ،کمزوری ، گھبراہٹ ،بد ہضمی ، پانی کی کمی ،نیند اورمعدے کے مسائل کا سبب بنتی ہے ۔ یہی وجہ ہے کہ ٹھنڈے اور فرحت بخش مشروبات موسم گرما کی پہلی طلب بن جاتے ہیں۔ طبی ماہرین بھی گرم موسم میں ٹھنڈے مشروبات کے استعمال کا مشورہ دیتے ہیںان کا استعمال کہیں طمانیت کا احساس دلاتا ہے تو کہیں تندرستی و توانائی بحال کرنے کا ذریعہ بن جاتا ہے۔آئیے ذکر کرتے ہیں ان قدرتی مشروبات کا جو اس موسم میں گرمی کی شدت کو دور کرنے کے ساتھ ساتھ آپ کو توانائی فراہم کرنے کا ذریعہ بھی بن سکتے ہیں۔ لسّی کا استعمال ہمارے نظامِ ہاضمہ کو بہتر بنانے کے لئے مفید ہے، کیونکہ دہی معدے کے لئے ہلکا اور صحت کو فائدہ پہنچانے

والے بیکٹیریا سے بھرپور ہوتا ہے جس کے استعمال سےکھانا ہضم ہونے میں مدد ملتی ہے، اس کا استعمال ہماری آنتوں کو چکنا کرتا ہے اور نظامِ ہاضمہ کو ہموار بناتا ہے۔لسّی کا استعمال صحت مند بیکٹیریا کی توسیع کو متاثر کرتا ہے اور ہماری آنتوں میں خراب بیکٹیریا کی افزائش کو کم کرتا ہے، لسی میں موجود پروبائیوٹکس جسم میں خراب کولیسٹرول کی سطح کو متوازن کرنے میں مدد کرتے ہیں۔لسّی میں لیکٹکایسڈ اور وٹامن ڈی کی وافر مقدار موجود ہوتی ہے جو ہمارے جسمانی نظام کو چلانے میں اہم کردار ادا کرتے ہیں، اس کا استعمال ہمارے مدافعتی نظام کو بہتر بناتا ہے اور ہمارے جسم کو کئی بیماریوں سے لڑنے میں مدد فراہم کرتا ہے۔لسی ایک نہایت ٹھنڈا مشروب ہے جس کا گرمیوں میں استعمال ہمارے جسم کو گرمی کے اثرات سے بچاتا ہے،

لسی کا استعمالجسم کو تروتازہ بناتا ہے، یہ جسم کو ڈی ہائیڈریٹ نہیں ہونے دیتی اس لئے گرمی کے موسم میں لسّی کا استعمال بے حد ضروری ہے۔لسی کا استعمال ہماری ہڈیوں کو مضبوط بناتا ہے کیونکہ اس میں کیلشیم کی وافر مقدار موجود ہوتی ہے، لسی کا استعمال ہڈیوں کی مضبوطی کے ساتھ ساتھ دانتوں کو بھی مضبوط بناتا ہے۔لسی میں لیکٹک ایسڈ کی وافر مقدار ہوتی ہے جوچہرے سے نشانات دور کرتا ہے اور ہماری جلد کو ہموار بنانے کے لئے مفید ہے، لسی کا مستقل استعمال ہماری جِلد کو خوبصورت بناتا ہے۔اس لئے اس گرمی کے موسم میں خود کو لسّی کے استعمال سے ضرور فائدہ پہنچائیں تاکہ آپ بھی یہ تمام فوائد حاصل کر کے پُرسکون گرمیاں گزار سکیں۔کچی لسی کا نام آتے ہی پنجاب کا ماحول ذہن میں ابھر آتا ہے کیونکہمختلف اقسام کی لسی پنجاب میں

خاصی رغبت کے ساتھ پی جاتی ہے لیکن ماہرین موسم گرما میں کچی لسی کے استعمال کا مشورہ دیتے ہیں ا ن کے نزدیک کڑکتی گرمی میں کچی لسی پینے سے گرمی دور ہوتی ہے، یہ نمکیات کی کمی پوری کرنے والا مشروب ہے اور بی پی لو یا گرمی کے مارے آنے والی نیند کو بھی دور بھگاتا ہے۔

Leave a Comment